د افغانستان لپاره د سویډن کمیټې روغتون پدغه هیواد کې تر ټولو غوره قابله لري
د میدان ښار په روغتون کې د پرمختګ ټکې دومره ریښتونی دې چې تاسي يې د نږدي څخه حس کولاې شئ. د ښه خدمتونو او د لازیاتو کټونو ځایولو لپاره دلته ودانیز کارونه دوام لري. دا ولایتي روغتون دومره ښه نوم لري چې د پلازمینی څخه هم خلک د درملنی په موخه دلته راځي. دلیل يې دلته د هیواد په کچه تر ټولو غوره قابلې شتون دې
لومړنې روغتیايې خدمتونه هغه څه دي چې باید هره ټولنه يې د خپلو وګړو لپاره برابر کړي. دا هغه حق دې چې هیڅ یو دولت ترې سترګي نشي پټولې. خو افغانستان، توپانی تاریخ درلودلو او د جګړي په ډګر کې د ښکیلتیا له امله نشی کولايې چې د ټول ولس لپاره روغتیايې خدمتونه برابر کړي.
د افغانستان لپاره د سویډن کمیټه پدغه هیواد کې د ډیر وخت راهیسی په لیری پرتو سیمو کې د کوچنیو روغتیایې پوسټونو واخله په میدان وردګو کې د ولایتي روغتون پوری د روغتیايې خدمتونو څخه ملاتړ کوي.
نرګس یوه قابله ده او په دغه روغتون کې دنده پرمخ وړي. هغه پلټونکی توجه لري خو یو څه ستړي ښکاري.
هغه وايې چې زه د شپی نوکریواله وم خو نن بیا د ورځی کار کوم.
د دغه روغتون کارکونکي د کار سخت مهال ویش لري. نرګس په اونئ کې شپږ ورځې کار کوي او په میاشت کې یواځې څلور ورځې رخصت لري. همدارنګه هغه په یوه میاشت کې اته شپي نوکریواله وي.
نرګس نه یواځې د سویډن کمیټې سره کار کوي بلکی هغه د سویډن کیټې د قابله ګانو په ښوونځي کې درس ویلی. په دې روستیو کې هغه د افغان قابله ګانو د ټولنی لخوا تر ټولو غوره قابله ونومول شوه.
د نرګس په وینا زما دنده ټولنې سره مرسته کول دي. زه د ماشومانو او د میندو د مرګ کچه راټیټولو کې مرسته کوم.
محمدالله دوران د میدان ښار ولایتي روغتون یو فعال او ویاړلی رئیس دی. هغه د روغتون کې ترسره شوو جراحي عملیاتو، ماشومانو د تداوي، واکسیناسیون او درملتون سره سره ټول ټول اعدادوشمار راکړل. ټول ۹۱ کارکونکي، ۱۷ ډاکټران، ۸ قابله ګاني، ۷۰ نارینه او ۲۱ میرمني او داسی نور.
د هغه په وینا کله چې دا روغتون سویډن کمیټې ته په واک کې ورکړل شو هغه وخت دا ۴۰ بستریزه وو خو اوس دا سل بستریزه روغتون دی. مونږ روغتون پراخولو ته دوام ورکړې.
اګرچې روغتون د پخوا په پرتله پراخه شوې خو بیا هم د لازیاتو کارونو کولو ته اړتیا شته. د بیلګی په توګه دلته د جدی پاملرنی څانګه نشته. خو د نوي ودانۍ چې ودانیز کارونه يې روان دي هغه به د جدی پاملرنی څانګه ولري. دلته د پوستکی د مرضونو او د سترګو د مرضونو تداوی لپاره ډاکټرانو ته اړتیا لیدل کیږي.
د برق لپاره د نوي جنراتور هم هغه څیز دی چې ورته اړتیا لیدل کیږي. هر کله چې برق نه وي موجوده جنراتور د برق تولیدولو توان نلري. همدارنګه د نورو کارکونکو د ګمارلو لپاره هم زیاتو پیسو ته اړتیا شته