د افغانستان لپاره د سویډن کمیټه فیس بوک ته د میرمنو د رابللو اونۍ په نوم کمپاین په لاره اچوي

د افغانستان لپاره د سویډن کمیتې د معلوماتو یا د رسنیئو د څانګي یوه کارکونکي آغلي حمیرا غني وايې چې مونږ د افغانستان د پرمختګ په بهیر کې د میرمنو د ګډون څخه ملاتړ کوو.

د افغانستان لپاره د سویډن کمیټه پدې باور ده چې میرمنو ته په هر ځاې کې د ځان او خپلو وړتیاوو د څرګندولو لپاره هغوي ته فرصتونه برابر کړي. دا کمیټه غواړي چې د میرمنو ټولي کړني د ټولنیزې شبکي د لاري ښودولو سره د جنډر ترمنځ توپیر لیري او د یو شان برابري یانې د مساوي کولو لپاره کار وکړل شي.

ددې کمپاین موخه د شپږم جون څخه تر دولسم جون پوری په فیس بوک کې د سویډن کمیتې پاڼه کې د میرمنو شمیر ۸۳۳ او یا هم ۲۶ په سلنه او یا هم درې سوه میرمنو ته لوړه شي. پدغه موده کې به د سویډن کمیټې فیس بوک پاڼه هره ورځ یو پیغام ولري چې میرمني او نجوني دغه پاڼه خوښولو لپاره راوبلي او یا هم نارینه دي ته وهڅوي چې خپله کورودانه، لوڼي او ملګري دغه پاڼه د خوښولو لپاره رابولي.

د هغي په وینا هغه نجوني او میرمني چې په فیس بوک کې يې د افغانستان لپاره د سویډن کمیتې            

Swedish Committee for Afghanistan

 پاڼه نده خوښه کړي باید دغه پاڼه خوښه کړي. دغه کار که په ټولی نړۍ کې ستر بدلون نشي رامنځته کولی خو بیا هم خورا ارزښتمن دې. آغلی حمیرا غني وايې چې په فیس بوک کې د سویډن کمیتې پاڼه خوښولو سره هغوي به دا فرصت ولري چې د دې کمیتې د کارونو په اړه خپل نظرونه مونږ سره شریکي کړي او همدارنګه د افغانستان د پرمختګ د بهیر په اړه میرمنو ته عامه پوهاوې هم ورکړي.

د افغانستان لپاره د سویډن کمیټه د میرمنو، نجونو او د نارینه او یا هم د هلکانو ترمنځ د جنډر توپیر لیري کولو لپاره کار کوي. د فیس بوک په پاڼه کې د لازیاتو میرمنو ګډون سره مونږ دا ښایو چې مونږ د جنډر د برابرۍ لپاره کار کوو او همدارنګه دا هم وښایو چې د سویډن کمیټه د کمیونیکیشن یا د فکرونو څرګندولو لپاره نوې طریقه لري.

باید ووایو چې په ټوله نړۍ کې د فکرونو څرګندولو لپاره ټولنیزې رسنۍ ستر ارزښت لري او همدارنګه په افغانستان کې هم ارزښت پیدا کړی دې.

لیکونکي: حمیرا غني

ژباړه: محمد صلاح الدین مومند